شاهد.. منة عدلي القيعي تكشف عن مفاجأة من الزعيم عادل إمام
كشفت الشاعرة منة عدلي القيعي ولأول مرة تفاصيل مكالمة هاتفية جمعتها بالنجم الكبير عادل إمام.
وحلت منة عدلي القيعي ضيفة على الإعلامي معتز الدمرداش في برنامج ضيفي على قناة الشرق الأخبار.
وأكدت منة القيعي أن عادل إمام نصحها بالتفرغ لكتابة الأغنيات والابتعاد عن مجال الإعلانات.
وقالت منة القيعي: بعدما عملت أغنية 6 وشوش اتفاجئت أنها بتنجح ومكنتش فاهمة حاجة أوي لأن لاقيت الأغنية بتنجح فأنا متعودة أعمل إعلان أشوفه في التليفزيون ففكرة أن فيه أغنية اسمعها في كل مكان دي كانت جديدة بالنسبة لي.
وواصلت منة القيعي كلامها: كنت بفرح جدا وكإني مش أنا، مبعرفش أربط نفسي بالحاجة دي، إلى أن كنت قاعدة يوم في البيت فجالي اتصال من رقم بلغني صاحبه أنه عادل إمام.
وأختمت منة القيعي كلامها: قالي إنه بيسمع الأغنية وحافظها ودور على اللي مين اللي كاتب كلماتها ومتخيلتش أنه تكون بنت وفي سنك، وسألني أنتي بتشتغلي إيه؟ قولتله في الإعلانات، قالي طيب سيبي اللي أنتي بتعملي وركزي في الحتة دي، وشوفي أنتي ممكن تلمعي في أي لون؟ ومتشتتيش نفسك وخدت بنصيحته فعلا.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
