مرتضى منصور وكشف الفضائح مسلسل مستمر: "لو حصلي حاجة هكون اتقتلت"

متن نيوز

شن مرتضى منصور رئيس نادي الزمالك المصري، هجومًا جديدًا على محمود الخطيب رئيس النادي الأهلي، خلال الساعات القليلة الماضية قبل مباراة القمة بين الفريقين.

وقال مرتضى منصور، في تصريحات تليفزيونية عبر قناة النادي الرسمية: "هتكلم بعد الماتش على الرعاية، وليه الخطيب موقعش مع الشركة المتحدة، وعمل مصيبة، لو حصلي حاجة هكون اتقتلت، واللي حصل في الأهلي مصيبة، نادي محجوز عليه ولنا 9 مليون عند الشركة الراعية وهو قاعد يختار وبياخد مليارات ويجيب صفقات".

وتابع: "بعد الماتش هتكلم عن كل حاجه تخص الرعاية، ومش بخاف إلا من اللي خلقني وهفضل اتكلم، وبينقي لا شركة اتصالات بمليار ونص لا، عاوز أبو 5 مليار وبتقولوا الإسماعيلي بيعاني ليه علشان اللي قاعد على الحجر".

وواصل مرتضى منصور: "مقدم بلاغات ضد الخطيب ولا واحد اتحرك إنما أنا كل يوم في محكمة وبلاغ جديد، انتم بتذلوني علشان في ضهركم؟، انتم مش عاوزين مرتضى ممكن تليفون تقولي انت عملت توازن في الرياضة المصرية نوعا ما، لا روح، واروح أربي أحفادي".


مباراة القمة

ويواجه نادي الزمالك غريمه التقليدي الأهلي، في تمام الساعة الثامنة والنصف من مساء اليوم السبت، على استاد القاهرة الدولي، ضمن منافسات الجولة الرابعة عشر من الدوري المصري.