سارة نخلة ترد على سبب هجومها على الفنانة المصرية شيرين عبدالوهاب ونانسي عجرم (فيديو)

تصدرت الفنانة سارة نخلة محركات البحث خلال الساعات الماضية.

حيث  قالت الفنانة سارة نخلة ردًا على الأخبار التي تم تداولها قبل عدة أشهر، وتشير إلى أنها هاجمت المطربة شيرين عبدالوهاب في منشور لها، اضطرت لحذفه بعد انتقاد الجمهور لها.

جاء ذلك خلال حلولها ضيفة على برنامج "نص الكلام"، الذي تقدمه المذيعة راغدة شلهوب على قناة النهار.

كما أوضحت سارة “خالص مستخدمتش كلمة مقرفة دي خالص.. علاقتي بفيسبوك الحاجات اللي بتضحك بعيد نشرها، وكان فيه بوست فعلا مكتوب مكانش حفلة كانت المشاكل طازة، كانوا حاطين صور لأكتر من ست بتشقى وكاتبين سبتوا كل الستات دي ومركزين في حياة شيرين، وأنا دايما بقول لأي بنت متطلعيش بحبيبك السما عشان هترجعي على مفيش، وشيرين وقتها كان عندها أفورة في الحب وقت أغنية ”حبه جنة" كان فيه حب ونحنحة، نشرت البوست ده وحطيت أغنية (حبه جنة) وكان ستوري مش فيسبوك".

وتابعت أنا ضد أي حاجة تحصل معاها وأنا بحبها ونفسي تبقى كويسة".

وردًا على خبر جاء عنوانه "سارة نخلة تتطاول على نانسي عجرم وزوجها وتورط جورج وسوف"، وأنها هاجمت الفنانة اللبنانية وزوجها بعد جريمة القتل التي وقعت في فيلتها لشاب سوري، قالت النجمة سارة "كنت أول واحدة اتكلمت في الموضوع عشان استخدام مصطلح إن الولد سوري، لو أنا في بيتي ودخل عليا حرامي، هو حرامي مش كل شوية في كل خبر وكل كلمة المجرم السوري، وكتبت تحليل كبير عريض لإني مبعرفش اسكت".

وأضافت “كل اللي قلته إن الراجل ده متقتلش في الفيلا، منطقيا واحد هيتضرب 11 رصاصة المفروض دمه يكون سايح مكانش فيه ولا نقطة دم، قلت اتقتل برا الفيلا واتحط جواها، وده مش معناه اني متعاطفة معاه، لو كان قاتل أو مجرم أنا ضد ده تماما، لكن 11 رصاصة بتعبر عن إيه ”انتقام على طول".