الفنانة المصرية ميمي جمال تزيل الستار عن جزء كبير من ذكرياتها

أزالت الفنانة المصرية ميمي جمال  الستار عن جزء كبير من ذكرياتها مع زوجها الفنان الراحل حسن مصطفى، وتحدثت عن أسباب طلاقها منه وسر عودتهما مرة أخرى.

حيث قالت ميمي جمال في مقابلة تلفزيونية: الطلاق كان بسبب بنت عندها 18 سنة حاولت تلعب عليه وقت ما كانت بتعمل استعراضات مسرحية من مسرحيات حسن، وكانت تدخل أوضته وقت البروفات، وتتكلم معاه وتوريله أنها كاتبة حروف اسمه على ضوافرها بالمانيكير".

كما أضافت حسن وقتها كان كبير في السن، والحركات دي كانت غريبة عليه، عشان كده كان حابب اللي هي بتعمله، ووصلها بالعربية لبيتها مرة أو مرتين، وكل ده من غير ما أعرف حاجة".

وأكدت في حديثه: أنا في الفترة دي كنت مشغولة وبصوّر في القاهرة، وهو كان في إسكندرية عشان مسرحيته ومعاه البنات عشان يصيفوا وهما كمان كانوا ميعرفوش حاجة، لكن ربنا أراد أن أنا أعرف عن طريق البنت اللي كانت بتقطع تذاكر المسرح".

كما أكملت البنت طلبت مني أسيب أي شغل في القاهرة وانزل إسكندرية، لأنها شافت مناظر معجبتهاش وحاجات مش كويسة من حسن، فقررت أروح إسكندرية".

وتابعت: بعد ما فهمت الموضوع قررت أن أواجهه، وأول ما شوفته سألته وصلّت الهانم؟، وهو اتصدم وقتها وحاول يلم الموضوع عشان اسكت، لكن أنا صممت على الطلاق منه.

واختتمت حديثها قائلة: "بدأ الحب بينا ينقص، والشغل يبعدنا عن بعض بشكل كبير، واهتمامنا ببعض وبالبيت قل عن الأول، وده زود المشاكل اللي بينا فقررنا أننا نتطلق".