ياسمين عز عن الانتقادات التي تعرض لها فيلم تاج لـ تامر حسني: بقالنا 700 سنة معندناش فنان شامل
تصدر اسم الإعلامية المصرية ياسمين عز مواقع التواصل الاجتماعي خلال الساعات الماضية.
حيث علقت الإعلامية ياسمين عز على الانتقادات التي تعرض لها فيلم تاج لـ تامر حسني، مؤكدة أنه فنان شامل وفخر لمصر.
وقالت ياسمين عز في برنامجها كلام الناس المُذاع عبر شاشة إم بي سي مصر: ليه كل ما تامر حسني يعمل فيلم وينجح بتقللوا منه؟ تامر حسني عدى المرحلة دي ومش لسه هنقول موهوب ولا لا، تامر وهو نايم ممكن يألف أغنية وعنده خبرة كبيرة لأن بقاله 700 سنة في الوسط الفني.
وأضافت ياسمين عز: بقالنا 700 سنة معندناش فنان شامل من أيام عبد الحليم حافظ ودلوقتي جالنا تامر حسني المفروض نفتخر به لأنه مشرفنا برا، ليه بيحصل تربص مع كل نجاح له وفيه متصيدين، إيرادات إيه اللي ماجبهاش الفيلم؟ دي التذاكر متباعة، ليه يطلع تعليق من شخص مجهول يقول إزاي فيلم تاج أعلى إيرادات؟ أنت مين؟ لصالح مين بتقول دا؟
ووجهت ياسمين عز رسالة لمنتقدي تامر حسني، قائلة: تامر أحسن من مليون ترافيس سكوت، ومعندناش في مصر غير تامر حسني فنان شامل وهو ناجح من وأنا في المدرسة لدرجة أنه مش بينام ولا بياكل ولا بيشرب عشان يقدم عمل حلو، والقلة اللي بيحبطوه متغاظين منه، وكل مرة يعملوا نفس الحملات عليه وأنا لن أسمح بـ دا.
ويذكر أن فيلم تاج يضم العديد من الفنانين بجانب تامر حسني، من بينهم ساندي، هالة فاخر، دينا الشربيني، وعمرو عبد الجليل.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
