السيد سالم يقرر تعليق حذائه بعد مسيرة حافلة في الدوري المصري

أعلن السيد سالم، لاعب فريق الكرة الأول بنادي الاتحاد السكندري السابق والداخلية الحالي، اعتزال كرة القدم، بعد مسيرة كروية استمرت لـ 24 سنة.

وكتب السيد سالم عبر حسابه الشخصي على فيس بوك: أعلن اليوم اعتزالى كرة القدم نهائيًا، الحمد لله رب العالمين بعد رحلة طويلة أكثر من 24 سنه داخل المستطيل الأخضر، منهم 15 سنة فى الدورى المصرى الممتاز  بعدد 300 مباراة.

أضاف لاعب الاتحاد: حابب أتقدم بالشكر لجميع المدربين الكبار اللى تشرفت بالتمرين تحت أيديهم، وطبعا بداية من ناشئين النادى الاسماعيلى العريق، مرورا بالبيت الكبير غزل المحلة صاحب الفضل على السيد سالم، وطبعا نادى ألعاب دمنهور حلقة الوصل اللى من خلاله كان سبب تواجدى مع الكبار، المنظومة المحترفه جدا وبيتى نادى وادى دجلة، وبالتأكيد كان لى الشرف التواجد فى صفوف نادى الاتحاد السكندري الكبير سيد البلد النادى العريق اللى كان أضافه قويه ليا بصراحه.

 واختتم السيد سالم:وحابب أتوجه بالشكر الكبير لجمهور سيد البلد العظيم اللي ليهم مكانه كبيره جدا في قلبي وختاما مع نادى الداخلية المنظومة المحترمة جدا جدا جدا، والحمد لله رب العالمين علي حصولي علي الرخصتين الإفريقيتين D.C، دعواتكم في الخطوه القادمه في مجال التدريب ان شاءالله.