ياسمين عز: فيها ايه لما الست تبوس ايد جوزها.. مش عيب ولا حرام (فيديو)

قالت الإعلامية ياسمين عز، إن الفنانة السورية أصالة نصري تتعرض لموجة من الهجوم غير المبرر من البعض بعد نشرها صورة وهي تقبل يد زوجها.

وأكدت الإعلامية ياسمين عز: البعض قال لها عصر سي السيد انتهى، وبكره تندم يا جميل، وهيعمل فيكي زي اللي قبله عمله، وكلام صعب وتعليقات مينفعش أقولها على الهواء".

كما قالت: فيه واحدة كتبت تعليق للفنانة أصالة نصري، تقول لها بتبوسي إيده على إيه، ده مفيش راجل يستاهل.

وأكدت ياسمين عز: "على فكرة فيه رجالة كتير تستاهل وحنينة، وكفاية تحاكموا الناس على مشاعرهم وتوجهاتهم.. إيه اللي يضايقك أن واحدة تحب زوجها وتعبر عن حبها له بهذه الطريقة؟، هل عيب أن الست تبوس إيد زوجها؟".

وأكدت: الحركة دي فيها كل معاني التقدير والحنية اللي في الدنيا، لأن الإيد اللي بتبوسيها هي الإيد اللي بتسندك أما تقعي، والإيد اللي بطبطب عليكي في الحلوة والمرة، مش عيب ولا حرام.