من داخل المستشفى.. الإعلامية المصرية بسمة وهبة توجه عدة رسائل (فيديو)
نشرت الإعلامية بسمة وهبة مقطع فيديو لها من داخل المستشفى أثناء التحضير للخضوع لعملية جراحية.
وأرفقت بسمة وهبة الفيديو بتعليق قائلة: واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم لما أقدر حكلمك.
وتابعت خلال الفيديو: راحت ردت عليه قالت لي آه مانتي مشغولة صحيح كل يوم في بلد وبتتفسحي.
حيث وجهت بسمة عدة رسائل قائلة: عاوزه أقولها هي واللي زيها، إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفي عملية وفي البنج وحزينة".
كما أضافت الإعلامية بسمة وهبه: لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك إنت واللي زيك ربنا ما يحكم عليكي يا بنتي باللي في الواحد، واحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا وبلاش حسد، أنا صاحبتي وفاء ماتت من الحسد.
