الفنان رامي جمال يستضيف "المطرب النقاش" ويشاركه أغنية في ألبومه الجديد

تمكن النجم رامي جمال من العثور على وسيلة تواصل مع أحمد سالم المشهور إعلاميًا بـ "المطرب النقاش"،حيث التقى الطرفان وعده جمال بمشاركته في أغنيتين في ألبوه الجديد.

واستضاف رامي جمال المطرب النقاش في فيديو جمعهما سويًا داخل أستوديو، وتحدث رامى جمال خلال الفيديو قائلًا: "منورنى النهاردة الفنان أحمد سالم، عشان الناس اللى فاكرة أننا بنضيع وقت فأحب أقول أن مفيش وقت هايضيع".

وأضاف رامي خلال منشور له على صفحته الشخصية على موقع "إنستجرام": "انا لسه راجع من السعودية امبارح وبأمر الله 3 أو 4 أيام هنسمع أغانى من أهم ناس في مصر عشان نختار الأغنيتين، الأولى بتاعتى أنا وأحمد والتانية بتاعته هو لوحده، وبأمر لله الوعد اللى وعدته ميمنعنيش عنه غير أن عمرى يخلص وممكن أوصى المكتب لو عمرى خلص يكملوا هما".

وتابع: "أنا بطمن الناس كلها بأمر الله أحمد هيعمل الأغنيتين وتستمتعوا بصوته، واللى عاوزين أحمد في اى حاجة هو مضى مع شركة إدارة أعمال وأى حد هيتواصل معاه هيديله رقم الشركة دى، وانا بالنسبة ليا الأغنيتين اللى بعملهم له أنا مش عاوز أى حاجة منه ولا عمرى هامضيه على عقود احتكار، لان أنا اللى بعمله عشان أحمد ربنا كاتبله قبول وأنا أفرح أنى أكون بنفذ التساهيل اللى بتحصل له".