خلال حفل تكريم أوائل الجامعات.. السيسي: أتمنى لو المعلم يروح شغله الساعة 6 الصبح
أكد الرئيس عبد الفتاح السيسي، اليوم الثلاثاء، أن تطور نظم الاتصال جعل الهاتف فى أيدينا وقتا طويلا، متابعا: "بنضيع وقت كتير ويمكن نسهر شوية.. طيب أنا عاوز معلم يروح المدرسة الساعة 6 الصبح، فأنا بقعده 6 شهور يصحى الساعة 5 الصبح.. عاوز معلم يهتم بالرياضة.. طيب هو مكنش بيلعب رياضة قبل كده..بحط إطار عام والفنى مش بتدخل فيه".
وقال السيسي خلال جلسة بناء الإنسان ضمن فعاليات يوم الاحتفال بتفوق جامعات مصر: "أنا هقولكم على حجم الإنفاق على البطولات المختلفة.. اللى حاصل على بطولة محلية بنقدم له "قبل البطولة وأثناء البطولة وبعد البطولة" ايه؟.. واللى حاصل على بطولة دولية بنقدم له إيه؟.. علاوة عن دعم الشركات.. أنا بتكلم عن وزارة الشباب وعليك أنت شخصيا".
وأضاف الرئيس السيسي، خلال حديثه مع الدكتور أشرف صبحى وزير الشباب والرياضة خلال جلسة بناء الإنسان: "لو محتاج دعم فى هذا المجال مش عندى أى مشكلة.. أصل مايصحش إن يتقال أن حد من عندنا مشى علشان مش قادرين ولم يحصل على الرعاية.. أو هو عشمان شوية.. أعمل إيه هاسيبه يعنى؟.. أنت شايف الناس بتعمل إيه في كل حتة.. علشان مش أقولها ليا والناس اللى بتسمعنا فى مصر.. العملية مش ماشية كده.. فيه نظام وأرقام وميزانيات محطوطة.. ومحدش بينفق من جبينا.. دى أموال مصر.. الناس عارفة".
وأشار الرئيس السيسى: لو اقدر اعمل ده "أدخلهم الأكاديمية العسكرية" فى كل مؤسسات الدولة هعمله.. علشان الجهاز الإدارى للدولة يبقا أكثر التزاما وانضباطا وتقدما واستعدادا للعطاء..طيب انا بعمل ده ازاي؟ عن طريق الأفكار.. طيب لو حد عنده أفكار أخرى يقولى عليها ونعملها.. يتعملهم انتقاء وكل الموضوعات اللى اتحقق كفاءة الاختيار ثم بنبذل جهد معاهم علشان يبقوا جاهزين من خلال التعليم الفنى ياخد دبلومة ثم مع المدرسين اللى بيتم انتقائهم ولو عندى فرصة أعمل كده مع 30 ألف كنت عملت بس مقدرش اقعدهم 6 شهور كده".
واصل الرئيس: "أيوه؟ علشان تصحى الساعة 6 الصبح وتنتبه للرياضة وتخلى بالك من الانتماء والولاء لابناءنا وبناتنا لان كل اللى هتقوله ده هيتحط فى عقول أطفال صغار ثقافتك وممارساتك هى دى اللى الطالب هيشربها منك فانا محتاج أطمن صياغة شخصية بنعطيها أطفالنا..الموضوع وانا بتكلم عمرى ما خبيت حاجة لإنه ا مش معمولة من غير فكرة.. لا دى وراها فكرة وهنشوف نتيجة الفكرة وهنقيم احنا نجحنا فى البناء ده ولا لأ؟.
